Ырчы Кайрат Нуртас Алматы шаарындагы ресторандардын биринде эс алганы үчүн айып пул төлөйт. Бул тууралуу казакстандык басылмалар жазышууда.
Маалыматка ылайык, коронавирус инфекциясынын жайылып жатканына байланыштуу мониторинг тобу кафе-ресторандарга рейд жүргүзүп, анын жүрүшүндө кече өткөрүп жаткан ресторанды аныкташкан.
Мекемеге кирген тартип сакчылары менен тийиштүү органдын кызматкрелери эс алуучулардын арасында ырчы Кайрат Нуртас да бар экенин байкашкан.
Мындан улам, ырчы жана ресторандын башка коноктору райондук ички иштер бөлүмүнө жеткирилген. Санитардык-эпидемиологиялык көзөмөл департаментинин кызматкерлери тарабынан мыйзам бузуу фактысы боюнча протокол түзүлүп, 87 миң 510 теңге айып чегерилген.
