Бишкек шаарынын акимдери көмүр сатуучулар менен сүйлөшүүлөрүн улантууда. Щербаков 121, Кызыл-Кыя 170, Махатмы Ганди 201 (Азиз рынок), Мессароша, «Ак-Босого» жаңы конушу менен Дордой базары жактагы айланма жолдогу көмүр саткан жайларды кыдырышты. Бул туурасында баш калаа бийлигинин басма сөз кызматы билдирди.
Маалыматка караганда, көмүр саткандар менен бааны кескин көтөрбөө боюнча сүйлөшүүлөрдү жүргүзүп, көмүр боюнча абалды карап чыгышты. Жыйынтыгында көмүр жетиштүү деген тыянакка келишти.
