Пара талап кылууга айыпталып кармалган Нургазы Анаркулов ээлеген кызматынан бошотулду. Бул тууралуу президенттин басма сөз кызматы билдирди.
Маалыматка ылайык, бүгүн, 1-февралда президент Садыр Жапаров кол койгон Жарлыкка ылайык, Анаркулов Нургазы Сеитказыевич берген арызынын негизинде Кыргыз Респубикасынын Президентинин Аппаратынын маалыматтык саясат бөлүмүнүн башчысы кызматынан бошотулган.
Белгилей кетсек, 30-январда президенттик аппараттын маалыматтык саясат бөлүмүнүн башчысы Нургазы Анаркулов пара талап кылууга айыпталып кармалганын УКМК кабарлаган.