Улуттук коопсуздук боюнча мамлекеттик комитеттин башчысы Камчыбек Ташиевдин өкүл баласы пара талап кылып жаткан жеринен кармалды. Бул тууралуу аталган башкармалыктын басма сөз борбору билдирди.
Маалым болгондой, 11-мартта КРнын Кылмыш-жаза кодексинин 343-беренеси «Опузалап пара талап кылуу» боюнча козголгон кылмыш ишинин алкагында жеке ишкерден 90 миң сом алып жаткан учурда жаран И.А. жана Сузак районунун Таш-Булак айыл аймагынын кызматкери Б.А. кармалган.
И.А., УКМКнын төрагасы Камчыбек Ташиевдин өкүл баласы болуп, үй-бүлөлүк мамиледе жашынып, Б.А. жана ишкерден коркутуу жолу менен 120 миң сом талап кылган.
Кармалгандар Жалал-Абад ИИБнин убактылуу кармоочу жайына киргизилди. Тергөө иштери уланууда.