Айыл чарба министрлиги быйыл Кыргызстанда кант кызылчасынан акыркы 10 жылда болбогон көп түшүм алынат деп болжолдоодо.
Министрликтин билдиргени боюнча, бул жылы өлкөдө кант кызылчасынын түшүмү 900 миң тоннага жетип, андан 120 мин тонна кумшекер алынат деп күтүлүүдө.
Учурда Кыргызстанда кант кызылчасын иштетип, кумшекер чыгарган эки ишкана бар: «Кайыңды-Кант» жана «Кошой» Бул ишканалар кант кызылчасынан да, кант камышынан да кумшекер чыгара алат.