Кант шаарында мектептин тосмосунун бир бөлүгүн уурдаган деген шек менен жаран кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.
Ысык-Ата РИИБнин нөөмөт бөлүмүнө Кант шаарында жайгашкан мектептердин биринде темир тосмонун бир бөлүгү уурдалгандыгы тууралуу маалымат түшкөн.
Уурулук фактысы боюнча кылмыш иши козголду. Кылмышка шектелип 31 жаштагы жаран кармалды.
Алдын ала версия боюнча, уурдаган адам тосмону темир калдыктарын кабыл алуучу жайга өткөрүп берген. Кармалган жарандын ушул сыяктуу башка кылмыштарга катыштыгы бар-жогу текшерилүүдө.