БШКнын басма сөз кызматынын маалыматына караганда, кечээ, 6-декабрда Борбордук шайлоо комиссиясы Кара-Балта шаарынын мэрин шайлоонун жыйынтыгын расмий бекиткен.
Ал токтомго ылайык, Кара-Балта шаардык кеңешинде 30-ноябрда өткөн шайлоонун жыйынтыгы менен уткан Данияр Шакирбаев шаар мэри болуп бекитилген.
Кара-Балта шаарынын башчылыгына 3 талапкер ат салышкан. Кыргызстан социал-демократтар партиясынан Бакыт Раманкулов, «Эл Аман» фракциясынан Таалайбек Сүйүмбаев жана «Мекеним Кыргызстан» фракциясынан Данияр Шакирбаев талапкер болгон.
Шаардык кеңештин 31 депутаттын 18и Шакирбаевге, 13ү Таалайбек Сүйүмбаевге добуш берсе, Бакыт Раманкуловго бир да депутат добуш берген эмес.