Жалал-Абад облусунун Кара-Көл шаарындагы Кара-Суу дарыясына түшүп кеткен аял изделүүдө. Бул тууралуу Өзгөчө кырдаалдар министрлигинен билдиришти.
25-майда Кара-Суу дарыясындагы адамдар өтүүчү асма көпүрөнүн жанында белгисиз аялдын кийимдери табылып, ал 1967-жылы туулган К.К. аттуу аялга таандык экени аныкталган.
Кечээ, 25-майда суунун жээгинде 20 чакырым аралыгында издөө иштери жүргүзүлгөн. Натыйжа болгон эмес.
Бүгүн издөө иш-чараларын жүргүзүү үчүн 15 куткаруучу, ИИМден 5 кызматкер тартылган.