Ош облусунун Кара-Кулжа районундагы мыйзамсыз менчикке өтүп кеткен 12 гектар жер мамлекетке кайтарылды. Бул тууралуу Башкы прокуратура кабарлады.
Маалыматта айтылгандай, райондук прокуратура аталган айыл чарба багытындагы жер тилкеси “У.” дыйкан чарбасынын жеке менчигине мыйзамсыз берилгендигин аныктаган.
Көрүлгөн чаралардын жыйынтыгында, баасы 4 млн 43 миң 368 сомду түзгөн 12 гектар жер муниципалдык менчикке кайтарылган.