Кара-Сууда жол кырсыгынан 7 адам жаракат алды. Бул тууралуу Өзгөчө кырдаалдар министрлигинин басма сөз кызматынан кабарлашты.
Маалыматка ылайык, окуя бүгүн, 27-ноябрда таңга маал саат 6:00дөр чамасында болгон. Анда Бишкек-Ош унаа жолунун 590-чакырымында “Mercedes-Benz Sprinter” үлгүсүндөгү унаанын айдоочусу рулга ээ боло албай жолдун четиндеги тосмону сүзгөн. Кырсыктын кесепетинен 2 аял жана 5 киши жабыркаган.
Окуя болгон жерге барган ӨКМнын куткаруучулары жабыркаган адамдарды унаадан чыгарышып “Тез жардам” кызматына өткөрүп беришкен.