Ош облусунун Кара-Суу районунун Жылкелди айылында унаа өрттөнүп, эки бала каза болду. Өзгөчө кырдаалдар министрлигинин маалыматына караганда, кырсык 24-октбрда болгон.
Короодо токтоп турган Daewoo Matiz үлгүсүндөгү унаанын ичинде ойноп жаткан 4 жана бир жаштагы балдар унаадан чыга албай калышкан. Андан кийин унаадан өрт чыгып, кырсыктын кесепетинен балдардын денеси күйүк алган.
Жабыркаган балдар Кара-Суу райондук аймактык ооруканасына жеткирилип, алган жаракаттарынан улам каза болуп калышкан. Учурда өрттүн себеби такталууда.