Ош облусунун Кара-Суу шаарындагы базардын аймагында жайгашкан жалпы аянты 5 миң 600 чарчы метрди түзгөн жер тилкелери мамлекеттин балансына кайтарылды. Бул тууралуу УКМК билдирди.
Маалыматта айтылгандай, аталган базардын аймагы «айыл чарба багытындагы жерлер» категориясына кирет, бирок ал иш жүзүндө коммерциялык максатта колдонулуп келген.
Атайын кызмат бул боюнча «Кыргызгипрозем» ишканасынын расмий маалыматтары тастыктаарын билдирди.
Тергөөнүн жүрүшүндө, аталган базардын аймагынын мурдагы ээлерине ай сайын 250 миңден 300 миң сомго чейин ижара акысы түшүп турганы, ал эми бир соода түйүнүнүн орточо наркы 60 миң долларды түзөрү аныкталган.
Жыйынтыгында жогоруда аталган жер тилкелер мамлекеттин балансына кайтарылган.