«Чакан ГЭС» ААКсына караштуу Кара-Көл ГЭСинин курулушу уланууда. Бул тууралуу Энергетика министрлиги билдирди.
ГЭС Кара-Көл шаарына жакын жерде Кара-Суу дарыясында салынууда. Анын кубаттуулугу 18 МВт болуп, жылына 110 млн кВт/саат электр энергия өндүрүлүп турат.
Белгилүү болгондой, 2009-жылы 6-августта «Чакан ГЭС» ААКсынын жалпы чогулушунун чечими менен «Каракөл ГЭС» ААКсы түзүлгөн.
2023-жылы 16-июнда «Каракөл ГЭС» ААКсы менен «Жагалмай» компаниясы чакан ГЭСтин курулушу боюнча инвестициялык келишимге кол койгон. Долбоордун инвестору жана куруучусу – «Жагалмай» ЖЧК.
Курулуш иштери 2026-жылдын биринчи жарымында аякташы пландалууда