Ысык-Көл облусунун Каракол шаарында бир имараттын бешинчи кабатынан боюн таштаган 16 жаштагы кыз аман калды. Бул тууралуу облустук милициядан билдиришти.
Маалыматка караганда, окуя 13-декабрдан 14-декабрга караган түнү болгон. 16 жаштагы өспүрүм кабаттуу үйлөрдүн биринин чатырынан секирген.
Кыздын абалы жакшы экенин облустук бейтапкананын дарыгерлери билдирген.
Азырынча кыздын бул кадам баруусунун себептери тактала элек.