Ысык-Көлдүн Каракол шаарындагы А.С. Пушкин атындагы сейил бакты оңдоп-түзөө пландалууда. Курулуш иштерин жүргүзө турган компанияны аныктоо үчүн шаардын Муниципалдык менчик башкармалыгы тендер жарыялады.
Сейил бактын планын кайра иштеп чыгууга, оңдоп-түзөөгө 161 млн 918 миң сом каралган.
Тендер боюнча арыздар 8-ноябрга чейин кабыл алынат.
Сынакты уткан компания келишим түзүлгөндөн кийин курулуш иштерин май айына чейин бүткөрүшү керек.