Учурда коронавирустун симптомдору менен кайрылгандар көп болуп жатат. Мындай билдирүүнү бүгүн, 24-июнда Өкмөт үйүндө өткөн брифингде саламаттык сактоо министринин орун басары Мадамин Каратаев билдирди.
«Бул маселени чечүү үчүн, Саламаттык сактоо министрлиги атайын алгоритм иштеп чыкты. Алгоритмде эгерде оорунун белгилери билинбесе, температурасы 38°С ашпаса, ал бейтап амбулатордук үй шартында кандай дарылануу керектиги жазылган. Бул бейтаптар стационарга жаткырылбайт”, — деди Каратаев.