Токмок шаарында карындашына ыдык көрсөткөн кишини агасы атып салган окуя боюнча акыйкатчы Атыр Абдрахматова үн катты. Бул тууралуу ал социалдык тармактагы баракчасына жазды.
Маалым болгондой, Акыйкатчы институтуна түндө тийиштүү тапшырма берилген.
«Алдын ала маалымат боюнча, бүгүн сотто агасынын (ред., Д.З.) бөгөт кою чарасы каралат, (биздин кызматкерлер мониторинг жүргүзөт, Аселдин арызын алат (макул болсо); Бүгүн дем алыш күн болгонуна байланыштуу бизден ИИМге оозеки өтүнүч айтылды — агасын психологиялык экспертизадан тез өткөрүүгө, себеби аффект деген түшүнүк бар. Бул иш абдан маанилүү, бирок көп учурда кылынбайт. Окуя боюнча ишибизди улантабыз», — деген акыйкатчы.
Эске салсак, окуя кечээ, 1-июлда, болжол менен саат 8:30да Бишкек — Торугарт унаа жолунун 69-чакырымында, Токмок шаарынын аймагында болгон.
Чүйдө карындашын зордуктоого аракет кылган жаранды атып салган киши кармалды — сүрөт