Президент Садыр Жапаров каржы пирамидаларын жарнамалагандарга жаза караштырган мыйзамга кол койду. Бул тууралуу президенттин басма сөз кызматы билдирди.
Белгилүү болгондой, мыйзам быйыл 5-апрелде Жогорку Кеңеш тарабынан кабыл алынган.
«Бул мыйзамга ылайык, Кылмыш-жаза кодексинин 221-беренесинин жоболорун актуалдаштыруу жана ири өлчөмдөгү зыян келтирүү менен финансы пирамидасын ачык айкын, массалык маалымат каражаттарын жана интернет-ресурстарын колдонуу менен жарнамалоо үчүн жоопкерчиликти белгилөө, ошондой эле жарандардын укуктарын коргоо каралган», — деп айтылат маалыматта.
Мыйзамга ылайык, каржы пирамидасын жарнама кылгандар 150 миң сомдон 200 миң сомго чейин айыпка жыгылат.
Эскерте кетсек, башында мыйзам долбоорунда каржы пирамидаларын жарнамалагандарды 3 жылдан 5 жылга чейин эркинен ажыратуу, аны менен бирге айып пул салуу сунушталган.
Каржы пирамидасын жарнама кылгандар 5 жылга кесилет. Долбоор
Биздин Телеграм каналга катталыңыз