Казак парламентинин мажилисинин төрагасы Нурлан Нигматулин коронавирус жуктуруп алды. Бул тууралуу Казакстан парламентинин мажилисинин коомчулук менен байланыш бөлүмүнө таянып, жалпыга маалымдоо каражаттары жазып чыкты.
Ага ылайык, спикер учурда карантинге алынган. Ал 14-июнда Казакстандын Саламаттыкты сактоо министри Елжан Биртановдун коронавируска чалдыккандыгы тастыкталгандыктан улам 16-июнда спикер Нурлан Нигматулин коронавируска тест тапшырып, анын жыйынтыгы оң чыккан.
Билдирүүгө караганда, ага диагноз симптомсуз деп коюлган. Учурда ал коюлган талаптарды сактап, карантинде.
Бирок ага карабастан спикер аралыктан иштеп жатат.