Казакстан быйыл Жеңиш парадын өткөрбөйт. Бул тууралуу 13-апрелде аталган республиканын Коргоо министрлигинин басма сөз кызматы билдирди.
«2022-жылы Казакстан Республикасынын Куралдуу күчтөрүнүн түзүлгөндүгүнүн 30 жылдыгына жана 1941-1945-жылдардагы Улуу Ата Мекендик согуштагы Жеңиш күнүнө арналган аскердик парад пландаштырылган эмес», — деп айтылат маалыматта.
Мындай чечимдин себеби тактала элек.
Ошол эле учурда Казакстанда аскердик-патриоттук иш-чаралар, Улуу Ата Мекендик согуштун жана республиканын Куралдуу күчтөрүнүн ардагерлерин сыйлоо пландалууда.