Казакстандын президенти Касым-Жомарт Токаев өкмөт кайрадан карантин киргизүүнү сунуштап жатканын 1-июлда билдирген.
«Өкмөт 5-июлдан тартып 14 күнгө (балким узартылат) карантин жарыялоо тууралуу планын сунуштады. Эртең жыйындан кийин саламаттык сактоо министри түшүндүрмө берет” деп президент “Твиттерге” жазып, карантин узартылышы ыктымалдыгын да белгиледи.
Үкімет 5 шілдеден бастап 14 күнге карантин жариялау туралы (ол ұзартылуы да мүмкін) жоспарын ұсынды. Ертең Ведомствоаралық комиссияның отырысынан кейін Денсаулық сақтау министрі түсініктеме береді.
— Qasym-Jomart Toqayev (@TokayevKZ) July 1, 2020
Эки күн мурда өкмөт мүчөлөрү менен видеожыйын учурунда Токаев өлкөгө катаал карантин киргизүүнү сунуш кылган.
Казакстанда 11-майда карантиндик чаралар жеңилдетилгенден кийин COVID-19 илдетине чалдыккандар кескин көбөйгөн.