Казакстанга акчага жалдан митингге чыкты делип кармалган кыргызстандык музыкант Викрам Рузахунов бошотулду. Бул туурасында Reporter.kg ′ге өздүк булактар билдирди.
Анын маалыматына караганда, Рузахуновду учурда Бишкекке алып келе жатат.
9-январда Казакстандын «Qazaqstan Ұлттық Телеарнасы» телеканалы башаламандыкка катыштыгы бар деп кармалган, кыргызстандык делген адамдын видеосун таратып, аны 90 миң теңгеге жалдап, Өзбекстан жана Тажикстандын башка жарандары менен кошо Алматыдагы митингге барганын айткан. Бул маалымат Кыргызстанда нааразылык жаратып, Бишкекте Казакстандын элчилигинин алдында пикетке чыгышкан.