Адамдар үчүн ыңгайсыздык, жаныбарлар үчүн азап жана өлүм коркунучу — үй-жайсыз мышыктар менен иттер Астананын көчөлөрүндө катаал кыштан аман чыгууга аракет кылууда.
Казакстандын борборунда түнкүсүн абанын температурасы -20°Сден төмөн болот. Бул жагдай ветеринарларды жана баш калкалоочу ыктыярчыларды тынчсыздандырат.
«Жаныбар сурай албайт, жалынган көздөрү менен карап отурат»- дейт ыктыярчы Ольга Пушкарева.
Баш калкалоочу жайлар толуп, активисттер жергиликтүү тургундардан жаныбарларга тамак таштап, жылытууга алып кетүүнү суранышууда.
“Казгидромет” кызматы билдиргендей, жакынкы күндөрү өлкөнүн көпчүлүк аймактарында суук басылбайт.
Биздин Телеграм каналга катталыңыз