Казакстандын суу каптаган аймактарына «Жардам кербени» Күлсары, Орал, Актөбе, Костанай шаарларына жетти. Бул тууралуу Өзгөчө кырдаалдар министрлиги билдирди.
Белгилей кетсек, Кыргызстан кошуна мамлекетке экинчи гуманитардык жардам жөнөтүүдө. Бул жолу 150 тонна сүт азыктары жиберилди.
7 жүк ташуучу унаа 5 облуска азык-түлүк алып барды. Анын экөө Актау шаарына бет алганы айтылат.
Биринчи «Жардам кербени» 15 фура менен 300 тонна жүк алып барган.
Белгилей кетсек, Казакстандын бир нече калктуу аймагын суу каптап, 10 облусунда өзгөчө кырдаал режими жарыяланды. ИИМдин маалыматында, кырсык болгон райондордо 7 киши каза болду.