Опузалоого шектелип жаткан Чүй облусунун Кемин районунун сот аткаруу кызматынын улук сот аткаруучусу М.А.А. ээлеген кызматынан бошотулду. Бул тууралуу Сот департаментинен билдиришти.
Маалыматка ылайык, сот аткаруучу мамлекеттик органдын беделин түшүрүүгө байланыштуу Сот департаментинин директору У.Кожомбердиеванын буйругу менен иштеп бошотулду.
Эскерте кетсек, социалдык тармактарда “Кемин районунун улук сот аткаруучусу пара талап кылды” деген ат менен видео материал тараган. Анда сот аткаруучу кол алдында иштеген адамдан акча талап кылган.