Бишкектин Биринчи Май райондук соту массалык баш аламандыктарды уюштурган деп шектелген саясатчылар менен активисттерге карата баш коргоо чарасын карап жатат.
Активист Чыңгыз Капаров Бишкектеги СИЗО-1ге эки айга камалды.
Ал соттун чечимине канааттанбаганын билдирди. Капаровдун айтымында, ал жолугушууда угарман гана болгон.
«Бул өкмөттөн эч кандай жакшылык күтүүгө болбойт. Мурда колдочумун, азыр өкүнүп жатам. Биз Кыргызстандын жарандарыбыз, эртеңки муун бизди кечирбейт. Бул репрессия. Мен жыйындын катышуучусу же уюштуруучусу эмес, угарман гана болдум», — деди активист.
Эскерте кетсек, Кемпир-Абад суу сактагычынын 4 миң 485 га жери Өзбекстанга берилгени жатканына байланыштуу бир катар саясатчылар жана активисттер Кемпир-Абадды коргоо боюнча комитет түзгөн. 23-октябрда Кемпир-Абаддын берилишине каршы чыккан 20дан ашык активист, саясатчы камакка алынып, алар «массалык башаламандык уюштурууга даярдык көрүүгө» шектелүүдө.
Биздин Телеграм каналыбызга катталыңыз