Мурдагы президент Алмазбек Атамбаевди кармоо маалында башынан жаракат алган Чүй облустук милициясынын башчысы Самат Курманкуловдун дарылануусуна өкмөт 1 млн 298,5 сом бөлөт.
Өкмөттүк аппараттын маалымат кызматы кабарлагандай, тийиштүү буйрукка премьер-министр Мухаммедкалый Абылгазиев 2-октябрда кол койгон.
Аталган акча Саламаттык сактоо министрлигинин 2019-жылга карата бекитилген бюджеттин эсебинен бөлүнөт.
Белгилей кетсек, 7-август күнү кечинде мурдагы президент Алмазбек Атамбаевди кармоо операциясы учурунда Самат Курманкуловдун башынана таш тийген.
Кыргызстанда анын башына эки жолу операция жасалып, абалы өзгөрбөгөн соң Москвадагы Бурденко атындагы борборго жиберилген.
