Белгилүү актёр Марат Жанталиев менен коштошуу зыйнаты эртең, 11-июнда саат 9.00дө болот. Анын сөөгү Бишкектеги «Ала-Арча» көрүстөнүнө коюлат. Бул тууралуу ырчы Нурбек Айдаров фейсбуктагы баракчасына жазды.
Анын айтуусунда, коштошуу зыйнаты Учкун конушунун Айбек-Ата көчөсү №80 дарегинде өтөт.
Белгилей кетсек, Кыргыз Республикасына Эмгек сиңирген артист Марат Жанталиев 9-июнда ооруканада каза болгон. Ал 59 жашта болчу. Кесиптештери актёрду буга чейин ооруп жүргөнүн билдиришкен.
