Бишкекте жөө жүргүнчүнү унаасы менен сузүп, жеринен качып кеткен айдоочу кармалды. Бул тууралуу Reporter.kg’ге Патрулдук милициянын басма сөз кызматынан билдиришти.
29-октябрда саат 17:00дөр чамасында Эркиндик бульвары менен Чокморов көчөсүнүн кесилишинде Chevrolet Spark үлгүсүндөгү унаа 12 жаштагы жөө жүргүнчүнү сүзүп, айдоочу качып кеткен.
Бала ооруканага жеткирилген.
Ыкчам иш-чаранын жүрүшүндө патрулчулар тарабынан унаа жана айдоочу (19 жаштагы кыз) табылып, РИИБге өткөрүлүп берилди. Унаа убактылуу кармоочу жайга токтотулган.
