Бишкек шаарындагы борбордук мечиттин кызматкери Акмат ажы Жумагул уулу каза болду. Бул тууралуу Кыргызстан мусулмандарынын дин башкармалыгынан кабарлашты.
Маалыматка ылайык, Акмат ажы Жумагул уулу кечээ, 23-июль күнү 46 жашында узакка созулган оорудан каза болгон.
Буга байланыштуу Кыргызстан Мусулмандарынын Дин Башкармалыгынын жалпы эмгек жамааты жана Бишкек шаарынын казыяты Акмат ажы Жумагул уулунун жакындарына жана үй-бүлөсүнө терең кайгыруу менен көңүл айтат.
Акмат ажы Жумагул уулу 1974-жылы Чүй облусунун Ысык Ата районунда төрөлгөн. 2003-жылдан бери дин тармагында кызмат кылып келе жаткан.
