Бишкек шаарынын Биринчи Май райондук соту интернет аркылуу чет элдик жарандарга интимдик кызмат көрсөткөн М.Л. атту жаранга карата чечим чыгарды. Бул тууралуу Жогорку Соттун сайттына жарыяланды.
Маалыматка ылайык, 2020-жылдын ноябрь айында Л.М. элиталык көп кабаттуу үйдө жайгашкан батирде веб-камера студиясын ачкан. Интернет аркылуу интимдик кызматты көрсөтүү үчүн студияны компьютер жана тематикалык шаймандар менен жабдыган.
Ал АКШ жана Европада жашаган кардарлар үчүн веб-камера аркылуу денесин көрсөтүп, кардарлар аны менен чет өлкөдө катталган эсептер аркылуу эсептешип турган.
Айыпталуучу сотто күнөөсүн мойнуна алган.
Сот аны 130-берене (Порнографиялык мүнөздөгү материалдарды жайылтуу) боюнча күнөөлүү деп тапкан. Интернет аркылуу маалымат таратууга байланыштуу иш-аракеттерди жүргүзүү үчүн 6 айлык мөөнөткө тыюу салып, 30 миң сомдук айыпка жыкты.
