Орусиянын Sputnik V вакцинасы биринчи кезекте 65 жаштан өткөн жана өнөкөт оорулары бар адамдарга эмделет. Бул тууралуу саламаттык сактоо жана социалдык өнүгүү министри Алымкадыр Бейшеналиев бүгүн, 26-апрелде маалымат жыйында билдирди.
Анын айтымында, алынган 20 миң доза вакцина 10 миң кыргызстандыкты эмдөөгө жетиштүү болот.
«Жакынкы аралыкта дагы 100 миң доза жеткирилет, аны каалагандар акысыз ала алышат», — деди ал.
Буга чейин өкмөт башчы Улукбек Марипов Sputnik V вакцинасынын 15 миң дозасы сатып алынганын, 5 миң дозасы грант түрүндо келгенин айткан.
Өкмөт башчы: «Спутник V» вакцинасы дүйшөмбүдөн тарта аймактарга жеткирилет — видео
