«Газпром Кыргызстан» 2021-жылдын октябрына үй чарбалары жана өндүрүш керектөөчүлөрү үчүн газдын тарифтери боюнча маалыматтарды жарыялады. Ага ылайык, көгүлтүр отундун 1 кубу калкка 18,06272 сом, коммерциялык структуралар жана бюджеттик уюмдар бардык салыктарды эске алуу менен — 21,79513 сомго чыгымдалат. Бул тууралуу компаниянын сайтында маалымдалды.
2020-жылдын октябрь айына салыштырмалуу турак жай кардарлары үчүн газдын баасы 4,99%га, коммерциялык кардарлар үчүн 4,66%га өстү. Бир жыл мурун кыргызстандыктар үчүн көгүлтүр отундун бир кубу 17,2 сомго жана 20,8 сомго бааланган.
Белгилей кетсек, баалардын өсүшү ушул жылдын сентябрь айына карата да байкалууда. Бирок бул жерде баа анча жогору болбосо да, тиешелүүлүгүнө жараша 0,09% жана 0,08% га өскөн.
