Улукбек Марипов дары-дармектин баасын жеке көзөмөлүнө алат

Улукбек Марипов дары-дармектин баасын жеке көзөмөлүнө алат

Дары-дармектин баасы калк үчүн жеткиликтүү болушу керек. Бул тууралуу премьер-министр Улукбек Марипов дары-дармектерге бааларды жөнгө салуу маселелерин талкуулаган жумушчу жыйындын жүрүшүндө айткан.

“Өкмөттүн калкка дары-дармектерге жеткиликтүү бааларды жана аларга бааларды жөнгө салуунун тийиштүү механизмин сунушташы керек”, — деген Улукбек Марипов

Ал дары-дармектерге бааларды мамлекет тарабынан жөнгө салуунун натыйжалуу механизмдерин иштеп чыгуунун маанилүүлүгүн белгилеген.

 “Коронавирустук инфекциянын пандемиясы учурунда дары-дармектерге болгон баа мурдагыдан да курч болуп турат.  Жай мезгилинде дары-дармектердин баалары кескин жана негизсиз көтөрүлүп кеткендигине бардыгыбыз күбө болдук.  Бүгүнкү күндө дары-дармектердин айрым түрлөрүнө баалардын өсүшү дагы байкалууда.   Биз калкка, айрыкча, социалдык жактан аярлуу категориядагы жарандар үчүн дары-дармектерге жеткиликтүү бааларды камсыз кылышыбыз керек.  Өтө маанилүү дары-дармектердин тизмесине кирген жана КНСтен бошотулган дары-дармектерди өзгөчө белгилеп кетким келет.  Салыктык жеңилдиктерге карабастан, айрым дары-дармектердин наркы өндүрүш ишканаларынын сатуу бааларына салыштырмалуу бир нече эсе көтөрүлүп кетти.   Бул жагдай бизге түп-тамырынан ылайык келбейт, ошондуктан тизмени концептуалдык түрдө карап чыгуу, ошондой эле баа саясатын талдоо керек”, — деген Улукбек Марипов.

Премьер-министр тиешелүү мамлекеттик органдарга бир жуманын ичинде дары-дармектердин бааларын көзөмөлдөө механизмдери боюнча сунуштарды киргизүүнү, ошондой эле дарылардын баалар саясаты боюнча дарыкана тармактарынын өкүлдөрү менен иштөөнү тапшырган.

Өкмөт башчысы ошондой эле Саламаттыкты сактоо жана социалдык өнүгүү министрлигинин санариптештирүү процесстерин дары-дармек менен камсыздоо жаатында активдештирүүнүн маанилүүлүгүн белгилеген.

Мен дары-дармектерге болгон бааларды жеке көзөмөлүмдө калтырам” — деп жыйынтыктаган ал.

Поделиться в социальных сетях:

Тема боюнча жаңылыктар

Бардык жаңылыктар >>