Шаршембиге караган түнү Кремлге учкучсуз учактар менен кол салуу аракети жасалганын орус президентинин басма сөз кызматы кол салуу үчүн Украинаны күнөөлөп жатканын билдирди.
Россия Федерациясынын президентинин басма сөз кызматы кол салуу үчүн Украинаны айыптап, “чабуул жасоо аракетин пландалган террордук акт жана Жеңиш майрамынын алдында Россиянын президентинин өмүрүнө кол салуу катары баалайт”.
«Эки учкучсуз учуучу аппарат Кремлдеги президенттин резиденциясын көздөй багытталган. Чабуул ийгиликтүү четке кагылды» деп айтылат маалыматта.
«Аскердик жана атайын кызматтардын радиолокациялык согуш системаларын колдонуу менен өз убагында көргөн чараларынын натыйжасында аппараттар иштен чыгарылды», — деп баса белгиледи Кремлдин басма сөз кызматы.
Киев Орусия Федерациясынын билдирүүлөрүнө комментарий бере элек.
Украинанын президенти Владимир Зеленский расмий сапар менен Финляндияда жүрөт.
Эми Москвада учкучсуз учактардын учуусуна тыюу салынды
«Биз бүгүндөн тарта Москва шаарында мамлекеттик бийлик органдарынын чечимдери менен колдонулган учкучсуз учуучу аппараттарды кошпогондо, учкучсуз учуучу аппараттарды учурууга тыюу салууну чечтик«, — деди шаршемби күнү Орусиянын борбор калаасынын мэри Сергей Собянин.
Мындай чечим “укук коргоо органдарынын ишине тоскоол болушу мүмкүн болгон” дрондорду уруксатсыз колдонуунун алдын алуу максатында кабыл алынган.
Собянин белгилегендей, пилотсуз учуучу аппараттарды уруксатсыз учуруу «укук бузуу болуп саналат жана административдик жана кылмыш жоопкерчилигине алып келет».
Биздин Телеграм каналга катталыңыз