Нарын облусуна караштуу Кочкор районунда иске ууланып, 4 адам көз жумду. Бул тууралуу облустук милициядан кабарлашты.
Маалыматка ылайык, 18-декабрь күнү Кочкор районунун Теңдик айылынын тургуну 38 жаштагы карындашы 3 баласы менен иске ууланып каза болгонун айтып милицияга кайрылган.
Каза болгон балдары үчөө тең кыз, алар 2009,2011,2013жылы туулган жаш өспүрүмдөр болгон.
Кочкор райондук ички иштер бөлүмү бул факты боюнча учурда териштирүү иштерин жүргүзүүдө. Маркумдар эмне себептен өлгөнүн аныктоо максатында соттук-медициналык экспертиза дайындалган.