Кой-Таш окуясы боюнча соттук процесс жабык өтө баштайт. Бул тууралуу жактоочу Замир Жоошев социалдык тармактагы баракчасына жазды.
Анын айтымында, соттук процесс жабык өтө баштай турганын сот бүгүн, 10-авгутсттагы отурумда билдирген. Замир Жоошев соттун чечимин мыйзамсыз деп эсептейт.
«Бүгүн сот Кой-Таш окуялары жабык режимде караларын билдирди. Эки кун мурда процесс ачык болорун айткан. Мыйзамсыз чечим», — деп жазган ал.
Эскерте кетсек, 8-августта өткөн отурумда прокурор соттук жараянды жабык өткөрүүнү сураган. Сот айыпталуучу жана жактоочулардын пикирин уккандан кийин отурумдар ачык болорун, бирок айрымдары жабык өтөрүн билдирген.
Кой-Таш окуясына быйыл үч жыл толду. Мурдагы президент Алмазбек Атамбаев баштаган 14 адамга айыбы угузулган. Учурда бул ишти Биринчи май райондук соту карап жатат.
Бардык жаңылыктар Телеграм каналда