Чүй ОИИББинин жетекчиси Самат Курманкуловдун абалы жакшырууда. Анын дарылануусу болжол менен ушул жылдын март айынын аягына чейин созулат. Бул тууралуу Саламаттык сактоо министрлигинен маалымдашты.
Аталган министрликтин маалыматына ылайык, Самат Курманкулов өз алдынча тамак жеп, сүйлөп, кыймылдап жатат.
Белгилей кетсек, 7-август күнү кечинде мурдагы президент Алмазбек Атамбаевди кармоо операциясы учурунда Самат Курманкуловдун башынана таш тийген.
Кыргызстанда анын башына эки жолу операция жасалып, абалы өзгөрбөгөн соң Москвадагы Бурденко атындагы борборго жиберилген.