Кыргызстандын Улуттук коопсуздук боюнча мамлекеттик комитети Россиянын «Капитал Групп» компаниясынын ээси Павел Тего издөө жарыялады.
Ал Камчы Көлбаевдин уюшкан кылмыштуу тобун каржылоого шектелет. Маалыматта Павел Те «Братский круг» эл аралык кылмыштуу тобуна киргендиги айтылат.
«Ал биргелешкен бизнес жүргүзүү максатында крим чөйрөсүнүн өкүлдөрү — Камчыбек Көлбаев жана Азим Рой менен байланыш түзгөн. Павел Те Көлбаевге Кыргызстанда кыймылсыз мүлк объекттерин курууга каржылык жардам көрсөткөн», — дейт УКМК.
Ишкер Бишкек шаарынын Октябрь райондук сотунун чечими менен сыртынан камакка алуу туралуу баш коргоо чарасы тандалып алынып, сот органынын токтому менен кылмыш жоопкерчилигине тартуу үчүн издөө да жарыяланды.
Биздин Телеграм каналга катталыңыз