Кыргызстандын өзгөчө абал киргизилген аймактарында коменданттык сааттын убактысы 2 саатка кыскартылды. Бул тууралуу Бишкек шаарынын коменданты Алмаз Орозалиев 15-апрелде парламент депутаттарынын суроолоруна жооп берип жатып айтты.
Анын айтымында, 14-апрелде чыгарылган буйрукка ылайык, коменданттык саат кечки 21:00дөн таңкы саат 6:00гө чейин созулат. Алмаз Орозалиевдин айтымында мындай чечим күндүн узаруусуна жана талаа иштерине жолтоо болбо максатында кабыл алынган.
Ушундай эле буйрукту 14-апрелде Жалал-Абад комендатурасынын башчысы Жеңиш Жоробеков менен Ош комендатурасынын башчысы Малик Нурдинов да чыгарган.
Буга чейин өзгөчө абал жарыяланган бардык аймактарда коменданттык саат 20.00дөн эртең мененки 7.00гө чейин киргизилген болчу