Тармактык комитет «Коопсуз шаар» боюнча айып пулдун көлөмүн азайтуу тууралуу мыйзам долбоору биринчи окууда кабыл алынды. Бул тууралуу Жогорку Кеңештин маалымат кызматынан билдиришти.
Бүгүн, 25-майдагы Жогорку Кеңештин Транспорт, коммуникация, архитектура жана курулуш боюнча комитетинин кезектеги жыйынында министрлер кабинети тарабынан демилгеленген “Кыргыз Республикасынын Бузуулар жөнүндө кодексине өзгөртүүлөрдү киргизүү жөнүндө” мыйзам долбоорун биринчи окууда карады.
Жыйында баяндама жасаган ички иштер министринин орун басары Нурбек Абдиев мыйзам долбоору жол кыймылынын айрым эрежелерин бузгандыгы үчүн айып пулдун көлөмүн азайтуу максатында иштелип чыкканын белгилеген.
Ага ылайык, айып пулдарды төмөндөтүү сунушталууда:
— Белгиленген ылдамдыктан 10 км / сааттан ашык, бирок 20 км / сааттан ашпаган транспорт каражаттарынын айдоочулары;
— жол белгилеринде же жүрүү бөлүгүнүн белгилеринде көрсөтүлгөн, токтоочу сызыктын алдына токтоп турган жол кыймылынын эрежелерин сактабагандык, светофорго тыюу салган же жол кыймылынын көзөмөлдөөчүнүн жаӊсоосуна тыюу салган;
— жол белгилеринин талаптарын сактабаганда, жүрүүчү бөлүктү белгилөө боюнча талаптарды аткарбаганда;
— токтотуу же токтотуу эрежелерин бузуу;
— келе жаткан тилкеге чыкпай маневр жасоонун эрежелерин бузуу.
Муну менен катар «Эгерде айып пул салуу жөнүндө буйрук түшкөн күндөн тартып 15 күндүн ичинде төлөнсө, айып пулдун өлчөмү 70 пайызга кыскарат. Башкача айтканда, айып пулдун өлчөмү 1000 сомдун ордуна 300 сомду гана түзөт”, — деди Нурбек Абдиев.
Талкуу маалында депутат Рыскелди Момбеков комитеттин «Коопсуз шаар» долбоорун ишке ашыруунун экинчи этабы боюнча жумушчу тобунун жетекчиси болгонун эске салып, Сыргак Кенжебаевдин жана Азамат Дыйканбаевдин камалышы аталган долбоордо ири коррупция бар экенинин далили экенин кошумчалаган.
Ошондой эле депутат тендер өткөрүүдө көптөгөн мыйзам бузуулар катталганына токтолуп, Дыйканбаевдин камалышына Shenzhen Sunwin Intelligent Co. Ltd. компаниясы тарабынан келишимдин аткарылыш мөөнөтүн узартуудан баш тартуу себеп болгонун жоромолдоду.
Талкуудан соң мыйзам долбоору биринчи окууда кабыл алынган.