Түштүк Кореяда расмий түрдө иштеп, Улуттук пенсиялык кызматына акча төгүп жүргөн кыргызстандыктар мекенине кайтып келгенден кийин бир жолку төлөмдөрдү алышууда. Бул тууралуу Кыргызстандын Социалдык фонду билдирди.
Маалыматка ылайык, Кореянын Улуттук пенсиялык кызматында топтолгон акчаларын алуу үчүн Соцфондго 98 жаран кайрылган. Алардын ичинен 83үнүн арызы каралып, акчалары төлөнүп берилген. Алар орточо 3 миң 483 доллардан алган. Дагы 15 киши чечимди күтүп жатат.
Аталган акчалар бир жолу гана берилет.