Ошто төрт базар жабылды. Мындай чечим аталган аймакта коронавирус кырдаалы оорлогонуна байланыштуу кабыл алынганын республикалык штабдан билдиришти.
Маалыматка ылайык, бүгүнтөн тарта убактылуу борбордук унаа базары, унаа тетиктерин саткан базар, кийим-кечек саткан базар жана «Келечек» базары жабылды. Ал эми азык-түлүк саткан дүкөндөр жана дарыканалар мурдагы режим менен иштейт.
Белгилей кетсек, 18-мартта Жалал-Абад облусунда Сузак районунун 3 жараны коронавирус жуктуруп алганы аныкталган. Ал эми бүгүн, 20-мартта дагы 3 адамдан коронавирус аныкталды. Алар Ноокат районунун тургундары.