Коронавирус жуктуруп алган 3 жаран түшкөн учак 12-мартта “Манас” аэроптортуна конгон. Бул тууралуу коронавирусту алдын алуу боюнча ыкчам штабдан кабарлашты.
«Эйр Арабия» авиакомпаниясынын ABY 345 номерлүү чартердик каттамы 12-мартта саат 20:57де «Манас» аэропортуна конгон. Аталган бортто 135 жүргүнчү болгон» , — деп айтылат маалыматта.
Белгилей кетсек, коронавирус жугузуп алганы аныкталган 3 адам Сузак районунун тургуну болгон. Азыр алар Жалал-Абад облустук жугуштуу илдеттер ооруканасына жаткырылган. Ал эми Сузак районунда өзгөчө кырдаал жарыяланган.
