«Кошой» ААКсына жаңы башкы директор дайындалды. Бул тууралуу Кыргыз фондулук биржасынын сайтында маалымдалды.
26-августта директорлор кеңешинин отурумунун протоколу менен «Кошой» ААКнын башкы директору Александр Барбалатын ыйгарым укуктарын мөөнөтүнөн мурда токтотуп, анын ордуна Павел Немченкону дайындоо чечими кабыл алынды.
КФБнын маалыматы боюнча, Барбалат менен Немченконун компаниянын уставдык капиталында үлүшү жок.
Заводдун сайтында «Кошой» ААК Ново-Троицк кант заводунун базасында түзүлүп, учурда акционерлердин жеке менчиги экени жазылган. Ишкана Сокулук районунун Шопоков шаарында жайгашкан.