Орусиянын Красноярск крайындагы Ачин районунда ок-дары сакталган кампада жарылуу 6-август күнү толук токтоду. Бул тууралуу чет элдик маалымат булактары жазып чыгышты.
Аталган аймакта жарылуу 5-августта башталган. Жарылуудан 12 адам түрдүү жаракаттар менен ооруканага жеткирилген. Мындан тышкары 20 чакырым радиустагы калктуу конуштардын жашоочулары эвакуацияланган. Жалпысынан аймактагы 11 миң киши коопсуз жерлерге көчүрүлгөнүн кабарланды.