«Кыргыз Темир Жолу» ишканасынын мурдагы башкы директору Василий Дашков үй камагына чыкты. Бул тууралуу Биринчи май райондук сотунан билдиришти.
Маалыматка ылайык, 18-майда өткөн сот отурумунда прокурордун келтирген өтүнүчү канааттандырылып, сот Дашковту 18-июлга чейин үй камагына чыгаран.
Белгилей кетсек, кечээ, 18-майда Дашков коррупцияга шектелип кармалып, УКМКга жеткирилген.
Дашков «Кыргыз темир жолу» ишканасында 2006-жылдан бери иштеп келет. 2020-жылдын апрелинде ал компаниянын жетекчиси болгон. Ушул жылдын март айынын аягында Дашков «Кыргыз темир жолу» ишканасынын директору кызматынан бошотулган.