Кыргызстан мусулмандар дин башкармалыгы Курман айтты 31-июлга белгиледи. Бул тууралуу Муфтияттын басма сөз кызматы кабарлайт.
“22-июль Зул Хижжа айынын биринчи күнү болгондуктан 30-июль арапа күнү, 31-июль Курман айт майрамы”, – деп жазылат маалыматта.
Курман айт мусулмандардын ири майрамы болуп саналат. Аны белгилөө күнү айдын чыгышына карап аныкталат.
Жыл сайын Курман айт майрамына жакын ажылык сапар башталчуу. Бирок быйыл пандемиядан улам Сауд Арабиясынын ажы жана умра иштери боюнча министри жагдай жөнгө салынмайынча ажылыкка камынгандарды сапарга ашыкпай турууга чакырган. Бул жылы ажылык сапар 28-июлда башталып, 2-августка чейин уланмак.