Ички иштер министрлигинин мурдагы орун басары Курсан Асанов Улуттук коопсуздук мамлекеттик комитетинин тергөө абагына эки айга камакка алынды. Мындай чечимди Бишкектин Биринчи май райондук соту 12-октябрда чыгарды.
Ал Ала-Тоо аянтындагы болгон массалык башаламандык боюнча козголгон кылмыш иштердин алкагында 10-октябрда УКМК менен ИИМдин кызматкерлери тарабынан кармалган.
Курсан Асанов 6-октябрга караган түнү болгон башаламандыктан кийин өзүн ички иштер министринин милдетин аткаруучу жарыялап, министрликти жетектеп жаткан.