Ички иштер министри Кашкар Жунушалиев качып кеткен. Бул тууралуу Ички иштер министринин милдетин аткаруучу Курсан Асанов маалымат жыйында айтты.
«Кашкар Жунушалиев азыр жок, качып кеткен. Ааны азыр кайда экенин билбейм.Ал эми анын орун басарлары иштеп жатышат”, – деди Асанов.
Белгилей кетсек, 4-октябрдагы парламенттик шайлоонун жыйынтыгына нааразы болгон саясий партиялар 5-октябрда Ала-Тоо аянтына митингге чыккан. 6-октябрга караган түнү митингчилер Ак Үйдү жана УКМКны басып алышкан.
6-октябрь күнү Курсан Асанов ички иштер министринин милдетин аткарып баштаган.